பாரம்பரிய அரிசி/TRADITIONAL RICE

Posted by admin

பாரம்பரிய அரிசி/TRADITIONAL RICE

பாரம்பரிய அரிசி, பழைமையான அரிசி ரகங்களைக் குறிக்கும். பசுமைப் புரட்சியின்(Green Revolution) விளைவாக நெல் உற்பத்தி பெருகியபொழுதும் பல ஆண்டுகளுக்குப் பின்னரே ரசாயன உரத்தால் ஏற்பட்ட பின்விளைவுகள் பயன்படுத்துவோரிடம் ஏற்படுவது உணரப்பட்டது. இதனால் இயற்கை விவசாயத்தில் தயாரிக்கப்படும் பொருட்களுக்கு முன்னுரிமை தந்து உடல்நலம் பேணும் செயலில் பாரம்பரிய நெல் விதைகளைப் பாதுகாக்க முயற்சிகள் செய்யப்படுகின்றன. இந்தியாவெங்கும் பாரம்பரிய நெல் ரகங்களைப் பாதுகாக்கும் முயற்சி தனிநபர்கள் அல்லது அமைப்புகள் மூலம் செய்யப்படுகின்றது.

பாரம்பரிய அரிசி வகைகள் (Types of Traditional Rice):

அன்னமழகி	அறுபதாங்குறுவை	பூங்கார்
கேரளா ரகம்	குழியடிச்சான் (குழி வெடிச்சான்)	குள்ளங்கார்
மைசூர்மல்லி	குடவாழை	காட்டுயானம்
காட்டுப்பொன்னி	வெள்ளைக்கார்	மஞ்சள் பொன்னி
கருப்புச் சீரகச்சம்பா	கட்டிச்சம்பா	குருவிக்கார்
வரப்புக் குடைஞ்சான்	குறுவைக் களஞ்சியம்	கம்பஞ்சம்பா
பொம்மி	காலா நமக்	திருப்பதிசாரம்
அனந்தனூர் சன்னம்	பிசினி	வெள்ளைக் குருவிக்கார்
விஷ்ணுபோகம்	மொழிக்கருப்புச் சம்பா	காட்டுச் சம்பா
கருங்குறுவை	தேங்காய்ப்பூச்சம்பா	காட்டுக் குத்தாளம்
சேலம் சம்பா	பாசுமதி	புழுதிச் சம்பா
பால் குடவாழை	வாசனை சீரகச்சம்பா	கொசுவக் குத்தாளை
இலுப்பைப்பூச்சம்பா	துளசிவாச சீரகச்சம்பா	சின்னப்பொன்னி
வெள்ளைப்பொன்னி	சிகப்புக் கவுனி	கொட்டாரச் சம்பா
சீரகச்சம்பா	கைவிரச்சம்பா	கந்தசாலா
பனங்காட்டுக் குடவாழை	சன்னச் சம்பா	இறவைப் பாண்டி
செம்பிளிச் சம்பா	நவரா	கருத்தக்கார்
கிச்சிலிச் சம்பா	கைவரச் சம்பா	சேலம் சன்னா
தூயமல்லி	வாழைப்பூச் சம்பா	ஆற்காடு கிச்சலி
தங்கச்சம்பா	நீலச்சம்பா	மணல்வாரி
கருடன் சம்பா	கட்டைச் சம்பா	ஆத்தூர் கிச்சிலி
குந்தாவி	சிகப்புக் குருவிக்கார்	கூம்பாளை
வல்லரகன்	கௌனி	பூவன் சம்பா
முற்றின சன்னம்	சண்டிக்கார் (சண்டிகார்)	கருப்புக் கவுனி
மாப்பிள்ளைச் சம்பா	மடுமுழுங்கி	ஒட்டடம்

பாரம்பரிய அரிசியின் பெருமை:

பாரம்பரிய அரிசி ரகங்கள் ஒவ்வொன்றும் ஒவ்வொரு மருத்துவக் குணம் கொண்டவையாகவும், பொதுவாக அனைத்துமே எளிதில் சீரணமாகக்கூடியவையாகவும் மலச்சிக்கலை நீக்கும் தன்மை மற்றும் நரம்புகளை பலப்படுத்தும் தன்மை கொண்டவையாகவும் அறியப்படுகின்றன.
நவீன ரக நெற்பயிர்கள் குறைவான உயரமே வளரக்கூடிய குட்டை ரகத்தைச் சேர்ந்தவை. ஆனால் பாரம்பரிய நெல் ரகங்கள் நீளமாக வளரக்கூடியவை. மாட்டுக்கு வைக்கோல், மண்ணுக்குத் தழைச்சத்து, விவசாயிக்கு நெல் என பன்னோக்கில் பயன் தரக்கூடியவையாக பாரம்பரிய நெல் ரகங்கள் அமைகின்றன.