கற்பூரவல்லிKARPURAVALLI

Posted by admin

கற்பூரவல்லிKARPURAVALLI

துளசி குடும்பத்தை சேர்ந்த கற்பூரவல்லி இந்தியாவில் பரவலாக காணப்படும் மூலிகை. கற்பூரவல்லி புதர்ச்செடி வகையைச் சேர்ந்தது. கற்பூரவல்லிக்கு ஓமவல்லி என்கிற மாற்றுப் பெயரும் வழங்கப்படுகிறது. தண்டுகளை ஒடித்து மற்றொரு இடத்தில் நட்டால் முளைத்துக் கொள்ளும் தன்மை கொண்டது. இந்த வகையிலேயே கற்பூரவல்லி இனப்பெருக்கம் செய்யப்படுகிறது.

கற்பூரவல்லியின் இலைகளே மருத்துவத்தில் பயன்படுபவை.கற்பூரவல்லி இலையைக் கையால் தொட்டுத் தடவி, முகர்ந்தால் ஓமத்தின் மணம் தரும். இலையில் சுரக்கும் ஒருவிதமான ஆவியாகும் தன்மையுடைய நறுமண எண்ணெய் இந்த மணத்திற்குக் காரணமாகும்.

கசப்புச் சுவையும் காரத்தன்மையும் வாசனையும் கொண்ட இதன் இலை மருத்துவ குணம் கொண்டதாகும்.

கற்பூரவல்லியின் பயன்கள்/Benefits of Karpuravalli:

உடல் வெப்பத்தை (Body heat)அதிகரிக்கும்; வியர்வையை (Sweating) அதிகமாக்கும்.
கற்பூரவல்லி காசநோய்(TB), கபக்கட்டு, அம்மைக் கொப்புளம் (Blister) ஆகியவைகளைக் கட்டுப்படுத்தும்.
குழந்தை மருத்துவத்திலும் கற்பூரவல்லி உயர்ந்த இடத்தை வகிக்கின்றது. மழைக்காலத்தில் ஏற்படும் ஜலதோஷத்தைத்(Cold) தவிர்க்க, கற்பூரவல்லி இலையை பஜ்ஜி செய்து சாப்பிடலாம்
காய்ச்சல்(Fever) தணிக்கும் மருந்தாகும்..
குழந்தைகளின் மார்பில் கட்டிய சளி கரைய பசுமையான கற்பூரவல்லி இலைகளைத் தேவையான அளவு சேகரித்துக் கொள்ள வேண்டும். இதனை, இளஞ்சூடாக வதக்கி, சாறு எடுத்து, ஒரு தேக்கரண்டி அளவு சாற்றுடன், அதே அளவு தேன் கலந்து குடிக்கக் கொடுக்க வேண்டும்.
தலைவலிக்கு(Head ache) இலையைக் கசக்கித் தலையில் தடவலாம்.
சிறுநீரை எளிதில் வெளிக் கொணரவும் பரிந்துரைக்கப்படுகிறது. இரத்தத்தை (Blood) சுத்தப்படுத்தும் தாவரமாகவும் கருதப்படுகிறது.
நரம்புகளுக்குச் (Nerves) சத்து மருந்தாகிறது. மனக் கோளாறுகளைச் (Mental Depression) சரிசெய்யும்.
கற்பூரவல்லி ஒரு சிறந்த கிருமி நாசினியாகும்(Anti Disinfectant).
உடலுக்கு நோய் எதிர்ப்பு சக்தியை(Immune System) அதிகரிக்கும்.
மூச்சுக் கிளைக்குழல்களில் தொற்றுநோய்களின் (Transmitting Disease) தாக்குதல் ஏதுமின்றி பாதுகாக்கும்.
குழந்தைகளுக்கு ஏற்படும் இருமல்(Throat) குணமாக ஒரு தேக்கரண்டி கற்பூரவல்லி இலைச் சாற்றுடன் ¼ தேக்கரண்டி சர்க்கரை கலந்து உள்ளுக்குள் கொடுக்க வேண்டும்.
ஜலதோசம்(Cold) கட்டுப்பட இரண்டு நாட்கள் காலை, மாலை வேளைகளில் கற்பூரவல்லி இலைச் சாறு ¼ டம்ளர் அளவுட‌ன் ஒரு தேக்கரண்டி தேன் கலந்து குடிக்க வேண்டும்.
கற்பூரவல்லி இலைகளை கசக்கி சாறு பிழிந்து சிறிதளவு நல்லெண்ணெய் சேர்த்துக் குழப்பி நெற்றியில் பூச தலை வலி(Head Ache) குணமாகும்.
இது குளிர் காய்ச்சல்(Cold Fever), இருமல்(Cough), மார்பு நெரிசல் மற்றும் அஜீரணம்(Indigestion) குணப்படுத்த பாரம்பரிய மருத்துவத்தில் ஒன்றாகும்.